පකිස්තානයේ පන්ජාබ් ප්රාන්තයේ අපරාධ විමර්ශන දෙපාර්තමේන්තුව විසින් සිදු කරනු ලැබූ බව කියන නීතිවිරෝධී මනුෂ්ය ඝාතන 924ක් සම්බන්ධයෙන් තොරතුරු වාර්තා වී ඇතැයි එරට මානව හිමිකම් කොමිසම ප්රකාශ කර තිබේ.
එම නීතිවිරෝධී මනුෂ්ය ඝාතන හේතුවෙන් ප්රාන්තයේ ව්යවස්ථාපිත ආරක්ෂක රෙගුලාසි බරපතළ ලෙස උල්ලංඝනය වූ බව පකිස්තාන මානව හිමිකම් කොමිසම නිකුත් කළ වාර්තාවක සඳහන් වී ඇතැයි විදෙස් මාධ්ය වාර්තා කරයි.
මාධ්ය වාර්තා සහ නඩු සම්බන්ධ තොරතුරු මත පදනම්වූ එම වාර්තාවට අනුව පසුගිය වසරේ ජනවාරි මාසයේ සිට අගෝස්තු දක්වා කාලසීමාව ඇතුළත පන්ජාබ් පොලීසිය හා ආරක්ෂක අංශ ඒකාබද්ධව මෙහෙයුම් 670ක් සිදු කර ඇතැයි ද, එහිදී සැකකරුවන් 924 දෙනකු සහ පොලිස් නිලධාරින් දෙදෙනකු මියගිය බවට තොරතුරු ලැබී ඇත.
එම ඝාතන අහඹු සිදුවීම් හෝ හුදෙකලා සිදුවීම් නොව සංවිධානාත්මක ලෙස සිදුවූ බවට පාකිස්තාන මානව හිමිකම් කොමිසම පන්ජාබ් ප්රාන්තයේ අපරාධ විමර්ශන දෙපාර්තමේන්තුවට චෝදනා කර ඇතැයි ද වාර්තා වේ. ඝාතනයට ලක්වූ බොහෝ සැකකරුවන්ගේ මරණ සම්බන්ධව මහේස්ත්රාත් පරීක්ෂණ සිදු නොවූ බවට ද තොරතුරු ලැබී ඇතැයි පාකිස්තාන මානව හිමිකම් කොමිෂන් වාර්තාවෙන් අනාවරණය වූ බව විදෙස් මාධ්ය සඳහන් කරයි.( දිනමිණ ඇසුරෙන්)
