පකි­ස්තාන ආර­ක්ෂක හමු­දා මුර­පො­ළ­කට එල්ල වූ ත්‍රස්ත ප්‍රහා­ර­ය­කින් සෙබළු 11 දෙන­කු ජීවි­ත­ක්ෂ­යට පත්වී ඇතැයි Cyber World Press පුවත් සේවය  අනාවරණය කරයි.

එම ප්‍රහා­රය එල්ල වී ඇත්තේ ඇෆ්ග­නි­ස්තාන දේශ­සී­මාව ආස­න්නයේ පිහිටි කයි­බර් පක්ටුන්ක්වා ප්‍රාන්ත­යේදී බව සඳහාන් වේ. පුපු­රන ද්‍රව්‍ය පුර­වන ලද මෝටර් රථ­යක් ආර­ක්ෂක මුර­පොළ වෙත ධාව­නය කිරී­මට සැලැ­ස්වී­මෙන් ප්‍රහා­රය සිදු කැර තිබේ. ප්‍රහා­ර­යෙන් ආර­ක්ෂක මුර­පො­ළට දැඩි හානි සිදුවී ඇතැයි ද, පාකි­ස්තාන හමු­දාව එල්ල කළ ප්‍රති­ප්‍ර­හා­ර­ව­ලින් ත්‍රස්ත­වා­දීන් 12 දෙනකු මිය­ගොස් ඇතැයි ද  සඳහාන් වේ. Cyber World Press පුවත් සේවය  සඳ­හන් කරන්නේ ඇෆ්ග­නි­ස්තාන දේශ­සී­මාව කේන්ද්‍ර කර­මින් පොලී­සි­යට සහ හමු­දා­වට එල්ල වන ත්‍රස්ත ප්‍රහාර සැල­කිය යුතු අයු­රින් ඉහළ ගොස් ඇති බවය.

ප්‍රහා­රය එල්ල කැර ඇත්තේ ඇෆ්ග­නි­ස්තා­නයේ රැක­ව­ර­ණය ලබන ටෙහ්රීකි තලේ­බාන් පාකි­ස්තාන සංවි­ධා­නය බවට හඳු­නා­ගෙන ඇතැයි පාකි­ස්තාන රජය ප්‍රකාශ කර ඇත. සිය භූමිය වෙනත් රට­ව­ලට එරෙ­හිව භාවිත කිරී­මට ඉඩ නොදෙන බව කිය­මින් ඇෆ්ග­නි­ස්තා­නයේ තලේ­බාන් රජය එම ප්‍රකා­ශය ප්‍රති­ක්ෂේප කැර තිබේ.