දිට්වා සුළි කුණාටුවෙන් විනාශයට පත් වූ මධ්‍යම පළාතේ මාර්ග යථා තත්ත්වයට පත් කිරීම සඳහා CHEC PORT CITY COLLOMBO (PVT) LTD ආපදා ප්‍රතිචාර යන්ත්‍රෝපකරණ බලඇණියක් පසුගිය දා (03) එම පළාතේ සේවයට යොදවනු ලැබිණි.

මාර්ග අලුත් වැඩියා කිරීමට, බෑවුම් ස්ථායිකරණය සහ යටිතල පහසුකම් යථා තත්ත්වයට පත් කිරීමට වේගවත් කිරීමට හැකි  බර යන්ත්‍රෝපකරණ 12ක් සහ දක්ෂ පිරිස් කණ්ඩායමක් මධ්‍යම පළාතට මේ වන විට CHEC PORT CITY COLLOMBO (PVT) LTD යවා ඇති බව සඳහාන්ය.

මහනුවර සිට නුවරඑළිය දක්වා A5 මාර්ගයේ සැපයුම් මාර්ග විසන්ධි වී ඇති ප්‍රදේශ කෙරෙහි මෙම යෙදවීම අවධානය යොමු කරන අතර, හදිසි කණ්ඩායම් දරුණුතම බලපෑමට ලක් වූ කලාප වෙත ළඟා වීමේ අභියෝගවලට ද  මේවන විට මුහුණ දී ඇත.

“සෑම පැයක්ම වැදගත් වන මොහොතක, අපගේ ප්‍රමුඛතාවය වන්නේ ඉක්මනින් හා වගකීමෙන් යුතුව ගමන් කිරීමයි. මෙම යෙදවීම සංකේතාත්මක නොවේ, එය ක්‍රියාකාරී, ක්ෂණික සහ ප්‍රවේශය යථා තත්ත්වයට පත් කිරීම, ජීවන මාර්ග නැවත විවෘත කිරීම සහ විපතට පත් ප්‍රජාවන්ට සහාය වීම සඳහා නිර්මාණය කැර ඇත,” CHEC පෝර්ට් සිටි කොළඹ (පුද්) සමාගමේ කළමනාකාර අධ්‍යක්ෂ සියොන්ග් හොංෆෙන්ග් මහතා පැවසීය.

මෙහෙයුම් විධිමත් ලෙස ආරම්භ කිරීම සනිටුහන් කරමින්, ජනාධිපති ජ්‍යෙෂ්ඨ අතිරේක ලේකම් රසල් අපොන්සු මහතා ඉදිරියේ, සියොන්ග් හොංෆෙන්ග් මහතා විසින් යන්ත්‍රෝපකරණ නිල වශයෙන් ශ්‍රී ලංකා හමුදාවට භාර දෙන ලදී.

කොළඹ වරාය නගරය අධීක්ෂණය කරන නියාමන අධිකාරිය වන කොළඹ වරාය නගර ආර්ථික කොමිසම (CPCEC) භාරදීම සඳහා පහසුකම් සපයීය.

යොදවා ඇති බලඇණියට කැණීම් යන්ත්‍ර, බැකෝ යන්ත්‍ර, ලෝඩර්, ෆ්ලැට්බෙඩ් ට්‍රක් සහ ඩම්ප් ට්‍රක් ඇතුළත් වන අතර, ඒවා සියල්ලම දැන් ජාතික ආපදා කළමනාකරණ බලධාරීන්ගේ මග පෙන්වීම යටතේ ක්‍රියාත්මක වේ. හදිසි වාහන, අත්‍යවශ්‍ය සැපයුම් සහ ප්‍රජා ප්‍රවේශය සඳහා A5 කොරිඩෝව හැකි ඉක්මනින් නැවත විවෘත කිරීම සඳහා CHEC Port City Colombo (Pvt) Ltd හි ඉංජිනේරු කණ්ඩායම් අඛණ්ඩ මෙහෙයුම් සඳහා සහාය වනු ඇත.

දිගුකාලීන ජාතික ප්‍රතිසංස්කරණය ඉදිරියට ගෙන යෑම සඳහා පිහිටුවන ලද රජයේ ‘ශ්‍රී ලංකාව නැවත ගොඩනැගීමේ’ අරමුදලට සමාගම රුපියල් මිලියන 10 ක දායකත්වයක් ලබා දීමෙන් පසුව මෙම වේගවත් බලමුළු ගැන්වීම සිදු කෙරේ.

 මෙයට අමතරව, Port City Colombo හි ව්‍යාපෘති කළමනාකරණ කණ්ඩායම, China Harbour Engineering Company (CHEC) Limited හි ප්‍රාදේශීය කාර්යාලය සමඟ එක්ව, සහන කටයුතු සඳහා සහාය වීම සඳහා තවත් රුපියල් මිලියන 3ක් රැස් කැර පරිත්‍යාග කරන ලදී. රජයේ පුළුල් ප්‍රතිසාධන කටයුතු සඳහා සහාය වීම සඳහා CHEC Port City Colombo (Pvt) Ltd හදිසි පාලම් අලුත්වැඩියාවන්, මාර්ග ප්‍රතිසංස්කරණය සහ ඉංජිනේරු තක්සේරු කිරීම් සඳහා විශේෂිත තාක්ෂණික විශේෂඥතාව ද පුළුල් කැර ඇත.

China Harbour Engineering Company (CHEC) Limited හි 100% අනුබද්ධිත සමාගමක් වන CHEC Port City Colombo (Pvt) Ltd, අනාගත වර්ධනය සඳහා වන අභිලාෂයන් තුළ පමණක් නොව, වඩාත්ම වැදගත් දෙය නම්, එහි දුෂ්කරම පැයවලදී ශ්‍රී ලංකාව සමඟ සිටීමට ඇති කැපවීම නැවත අවධාරණය කරයි.

චන්දන විජේකෝන්

විසින්