දකුණු අප්රිකාවේ නිල සංචාරය අවසන් කැර නැවත චීනය බලා යන අතරතුර කෙටි ගමනාගමන නැවතුමක් සඳහා චීන විදේශ ඇමැති වැන්ග් යී මහතා අද (12) අලුයම බණ්ඩාරනායක ජාත්යන්තර ගුවන්තොටුපොළට පැමිණියේය.
17 දෙනෙකුගෙන් යුත් දූත පිරිසක් සමඟ පැමිණි වැන්ග් යී මහතව, ශ්රී ලංකාවේ චීන තානාපති චී ෂෙන්හොං සහ චීන තානාපති කාර්යාලයේ ජ්යෙෂ්ඨ නිලධාරීන් විසින් ගුවන්තොටුපොළේදී පිළිගනු ලැබීය.
ශ්රී ලංකා ආණ්ඩුව නියෝජනය කරමින් විදේශ කටයුතු අමාත්යාංශයේ නැඟෙනහිර ආසියානු සහ ඕෂනියා අංශයේ අධ්යක්ෂ ජනරාල් සාවිත්රි පානබොක්කේ මහත්මිය සහ අනෙකුත් අමාත්යාංශ නිලධාරීන් චීන දූත පිරිස පිළිගනු ලැබීණී.
චීන විදේශ ඇමැතිවරයා සහ දූත පිරිස අද (12) පස්වරුවේ ශ්රී ලංකාවෙන් පිටත්ව යෑමට නියමිතය.
