ජාතික ජන බලවේග ආණ්ඩුව යටතේ සිදුව ඇති ගල් අඟුරු ප්රසම්පාදන වංචාව මඟින් අද මනාව ඔප්පු කැර ඇත්තේ, දශක ගණනාවක් තිස්සේ රටේ ආර්ථික කළමනාකරණ ආධිපත්යය දැරූ නව ලිබරල් පාලන රාමුව තුළ මුල් බැසගත් දූෂණය හා වංචාව බව ශ්රී ලංකාවේ කොමියුනිස්ට් පක්ෂය නැවතත් ප්රකාශ කැර සිටි.
එම පක්ෂය නිකුත් කළ නිවේදනයක මෙසේ සඳහාන් වේ.
දුෂණය සහ වංචාව හේතු කැර ගෙන වර්තමාන ආණ්ඩුවට එරෙහිව මහජන විරෝධය අද , වර්ධනය වෙම්න් පවතින බවක් දක්නට ලැබේ. ගල් අඟුරු සැපයුම් කොන්ත්රාත්තු ප්රදානය කිරීමේදී සිදුවී ඇති අක්රමිකතා සහ බලපෑම් සුළු පටු නොවන බව ශ්රී ලංකාවේ කොමියුනිස්ට් පක්ෂය දැඩි ලෙස හෙළා දකී. මෙම ක්රියාවන් නියෝජනය කරන්නේ හුදෙක් පරිපාලනමය අඩුපාඩු නොව, ජාතික ආර්ථිකය පිළිබඳ මහජන විශ්වාසය ක්රමානුකූලව පාවාදීමක් බව ශ්රී ලංකාවේ කොමියුනිස්ට් පක්ෂය අවධාරණය කරයි..
ඒ් අනුව ශ්රී ලංකාවේ කොමියුනිස්ට් පක්ෂය පහත සඳහන් කරුණු ගැන අවධාරණය යොමු කැර සිටි.
- බලශක්තිය වැනි උපායමාර්ගික අංශවල දූෂණය, අත්යවශ්ය සේවාවන්හි ස්ථාවරත්වයට හානි කරන අතර, රට පෞද්ගලික ලාභ ලබන්නන්ගේ බලපෑමට යටත් කරන බැවින්, ජාතික ස්වෛරීභාවයට සෘජුවම තර්ජනය කරයි.
- මෙම අපකීර්තිමත් ක්රියාව පිළිබිඹු කරන්නේ, දේශපාලන අනුග්රාහක ජාල සහ සමාගම් අවශ්යතාවලට පොදු සම්පත් මත ආධිපත්යය දැරීමට ඉඩ සලසමින්, විනිවිද පෙනෙන, වගවීම සහ සමාජීය වශයෙන් වගකිවයුතු ප්රසම්පාදන පද්ධති ස්ථාපිත කිරීමට අනුප්රාප්තික රජයන් අසමත් වීමයි. ජාතික ජන බලවේග ආණ්ඩුව මුලිනුපුටා දැමීමට දිවුරුම් දුන් එම දූෂිත ක්රමය තවමත් ක්රියාත්මක වන බවයි.
- දේශපාලන සම්බන්ධතා හෝ තරාතිරම නොසලකා වැරදිකරුවන් බවට පත්වන සියලුම පුද්ගලයන්ගේ වගවීම සහතික කරන, පූර්ණ, ස්වාධීන සහ සියල්ලනටම ප්රවේශ විය හැකි ප්රසිද්ධ පරීක්ෂණයක් පැවැත්විය යුතු බව ශ්රී ලංකාවේ කොමියුනිස්ට් පක්ෂය ඉල්ලා සිටී.
- ජාතික සම්පත්, පෞද්ගලික අතරමැදියන්ගේ නොව ජනතාවගේ යහපත සඳහා කළමනාකරණය කරන බව සහතික කරමින්, සියලුම රාජ්ය ආයතන සඳහා ප්රසම්පාදන යාන්ත්රණයන් වහාම සකස් කරන ලෙස ශ්රී ලංකාවේ කොමියුනිස්ට් පක්ෂය ආණ්ඩුවෙන් ඉල්ලා සිටී.
යුක්තිය සහ විනිවිදභාවය ඉල්ලා සිටීමේදී, ශ්රී ලංකාවේ කොමියුනිස්ට් පක්ෂය කම්කරු පන්තිය සහ පුළුල් ජනතාව සමඟ ස්ථිරව සිටී. ගල් අඟුරු ප්රසම්පාදන වංචාව තවත් දඬුවම් නොලබන දූෂණයක් බවට පත්වීමට ඉඩ නොදිය යුතුය. එය ලාභ ලබන්නන්ට නොව ජනතාවට සේවය කරන රාජ්ය උපකරණයක් ගොඩනැගීමේ හැරවුම් ලක්ෂ්යයක් බවට පත්විය යුතු බව ශ්රී ලංකාවේ කොමියුනිස්ට් පක්ෂය අවධාරණය කරයි.
