ජපාන අග­මැ­ති­නිය සනායි ටකේචි ජූලි මසයේ  ඉන්දීය සංචා­රයක් සඳහා පැමිණෙන බව cyber World Press පුවත් සේවය වාර්තා කරයි.

ඉන්දීය අග­මැති නරේන්ද්‍ර මෝදි  සමඟ ජපාන අග­මැ­ති­නි සනායි ටකේචි ද්විපා­ර්ශ්වික සාකච්ඡා  පැවැ­ත්විම නියමිත අතර,  දෙරටේ ආර්ථික සහ  ආර­ක්ෂක සහ­යෝ­ගි­තාව වර්ධ­නය කැර­ ගැ­නීම  මුලික වශයෙන් අපේක්ෂා කරන බව  ජපාන අග­මැ­ති­ කාර්යාලයේ  නිවේදනයක් උපුටා දක්වමින් cyber World Press පුවත් සේවය  සඳහාන් කරයි.

 චීනයේ වර්ධ­නය වන හමුදා සහ ආර්ථික පැවැත්ම ජපා­න­යට මෙන්ම ඉන්දි­යා­වට ද පොදු අභි­යෝ­ග­යක් බැවින් ටකේචි සහ මෝදි අතර චීනය සම්බ­න්ධව අද­හස් හුව­මාරු කර­ගනු ඇතැයි cyber World Press පුවත් සේවය විශ්වාස කරයි.

පසු­ගි­යදා පැවැති මාධ්‍ය හමු­ව­කදී ජපානයේ ප්‍රධාන කැබි­නට් ලේකම් මිනෝරු කිහාරා ප්‍රකාශ කැර ඇත්තේ නිද­හස් සහ විවෘත ඉන්දු-පැසි­ෆික් කලා­ප­යක් සහ­තික කැර ගැනී­මේදී, ඉන්දි­යාව වැද­ගත් හවු­ල්ක­රු­වකු වන  නමුත්, අග­මැ­ති­නි­යගේ ඉන්දීය සංචා­රය  මේ වන තෙක් තහ­වුරු කැර නොමැති බවයි. අග­මැ­ති­නි­යට විදෙස් සංචා­ර­ය­කට සහ­භාගි වීම තහ­වුරු කිරීම සිදු­ වන්නේ ලබන මස 17 වැනිදා නිමා­වට පත්වී­මට නිය­මිත එරට පාර්ලි­මේ­න්තුවේ වත්මන් සැසි­වා­රයේ අව­සන් කාල­සී­මාව නිරී­ක්ෂ­ණය කිරී­මෙන් පසුව බව ද කැබි­නට් ලේක­ම්ව­රයා ප්‍රකාශ කැර  ඇති බව cyber World Press පුවත් සේවය සඳහාන් කරයි.