අගමැතිනි සනායි ටකේෂි, තායිවානය සම්බන්ධව සිදු කරනු ලැබූ ප්රකාශය මුල් කරමින් ජපානය සහ චීනය අතර උද්ගත වූ රාජ්යතාන්ත්රික විරසකය හේතුවෙන් ඉන්දු -පැසිෆික් කලාපයේ ස්ථාවරත්වයට තර්ජනයක් එල්ල වී ඇතැයි පිලිපීන රජය ප්රකාශ කැර තිබේ.
එරට මාධ්ය සඳහන් කරන්නේ පසුගියදා ජපානයේ ඔකිනාවා දූපත ආශ්රිතව ජාත්යන්තර මුහුදට ඉහළින් පියාසර කළ ජපාන හමුදා ගුවන් යානයක් ඉලක්ක කරමින් චීනය රේඩාර් භාවිත කිරීම කලාපීය අවදානම උත්සන්න වීමට හේතු වනු ඇතැයි පිලිපීන රජය අනතුරු අඟවා ඇති බවය.
ඔකිනාවා දූපත ආශ්රිතව ජාත්යන්තර මුහුදේ ගුවන් කලාපයේදී ජපාන හමුදා යානය නීත්යානුකූල මෙහෙයුමක් සිදුකර ඇතැයි ද, චීනය ජාත්යන්තර නීතියට පටහැනිව එම ගුවන් යානය ඉලක්ක කරමින් රේඩාර් පද්ධතිය ක්රියාත්මක කිරීමෙන් කලාපය තුළ අනාරක්ෂිත තත්ත්වයක් උද්ගත වී ඇතැයි ද පිලිපීන මාධ්ය වැඩිදුරටත් සඳහාන් කරයි.
තායිවානයට එරෙහිව චීනය සිදු කරනු ලබන ඕනෑම හමුදා ක්රියාමාර්ගයකදී සාමුහික ආරක්ෂාව උදෙසා ක්රියාත්මක විමට ජපානයට හැකි බවට එරට අගමැතිනිය සනායි ටකේචි කළ ප්රකාශය හේතුවෙන් මේ වනවිට දෙරට අතර වෙළෙඳ සහ සංචාරක ක්ෂේත්ර දැඩි අර්බුදයකට ලක් වී ඇතැයි ද වාර්තා වේ.
