උග්ර වායු දුෂණය හේතුවෙන් මේ දිනවල උදෑසන නවදිල්ලි නුවරට අධික මීදුමක් ඇති බැවින් ගුවන් ගමන් වාර 68ක් අවලංගු කිරීමට සිදුවී ඇතැයි ඉන්ඩියා ටුඩේ පුවත් සේවය සඳහාන් කරයි.
දැඩි මීදුම් තත්ත්වය හේතුවෙන් නගරය පුරා දුම්රිය ඇතුළු ගමනාගමනය ද අඩාල කර ඇති අතර, ඉන්දීය කාලගුණ විද්යා දෙපාර්තමේන්තුව සෞඛ්ය තත්ත්වය සැලකිල්ලට ගෙන නිවාසවලින් බැහැරවීම සීමා කරන ලෙස අනතුරු අඟවා ඇතැයි ද සඳහාන් වේ. ඊයේ උදෑසන නවදිල්ලියේ උෂ්ණත්වය සෙල්සියස් අංශක 12 දක්වා පහළ වැටුණු බව ද ඉන්ඩියා ටුඩේ පුවත් සේවය වැඩිදුරටත් සඳහාන් කැර ඇත.
නවදිල්ලි නගරයේ වායු ගුණාත්මක දර්ශකය ඉතා බරපතළ ලෙස ඉහළ ගොස් ඇති අතර, අශෝක් විහාර් ප්රදේශයේ වායු ගුණාත්මකතාව 500ක අගයක් සටහන් වී ඇත. ජාත්යන්තර වායු ගුණාත්මක දර්ශකයට අනුව 200 අගය ඉක්මවන අවස්ථාව අතිශය දරුණු තත්ත්වයක් ලෙස සැලකෙන අතර, එවැනි අවස්ථාවක එළිමහන් ක්රියාකාරකම්වලින් වැළකී සිටිය යුතු බවට ගෝලීය ප්රජාවට උපදෙස් ලබා දී තිබේ.
මෙම වායු දුෂණය සෑම වසරකම මෙන් මෙවරත් පවතින අතර, ගොයම් කැපීමෙන් පසු ඉන්දීය ගොවියන් පිදුරු පුළුස්වා දැමීමෙන් මෙම තත්ත්වය ඇති වන බව කාලගුණ අංශ පෙන්වා දෙයි.