ලිබියාවේ හිටපු නායක මුවම්මර් ගඩාෆිගේ පුත්රයකු වන සයිෆ් අල් ඉස්ලාම් ලිබියාවේදී ඝාතනය වූ බව අල් ජසීරා පුවත් සේවය අනාවරණය කරයි. මුවම්මර් ගඩාෆිගේ පුත්රයන් අටදෙනා අතරින් වැඩිම ජාත්යන්තර අවධානය දිනු 53 හැවිරිදි සයිෆ් අල් ඉස්ලාම් ට්රිපෝලි අගනුවරට කිලෝමීටර් 136ක් දුරින් පිහිටි සින්ටන් නගරයේ සිය නිවහනේ සිටියදී නාඳුනන තුවක්කුකරුවන් අතින් ඝාතනයට ලක්වූ බව ඔහුගේ නීතිඥවරයා සහ දේශපාලන උපදේශකවරයා තහවුරු කැර තිබේ.
මුහුණු ආවරණය කැරගත් පුද්ගලයන් සිවුදෙනකු ඔහුගේ නිවෙසට කඩා පැන වෙඩි ප්රහාරයක් එල්ල කැර ඇතැයි ද, ඝාතනය වීමට පෙර සයිෆ් අල් ඉස්ලාම් තුවක්කුකරුවන් මෙල්ල කැර ගැනීමට උත්සාහ කැර ඇතැයි ද ඔහුගේ දේශපාලන කණ්ඩායම නිවේදනය කැර තිබේ. ඝාතනය සම්බන්ධයෙන් පරීක්ෂණයක් පැවැත්වීමට නියමිත බව ද සඳහාන් වේ.( දිනමිණ ඇසුරෙන්)
