සංචාරක, නිෂ්පාදන සහ කෘෂිකර්ම අංශවල වර්ධනය උත්ප්රේරණය කිරීම අරමුණු කැරගත් මහා පරිමාණ උපායමාර්ගික සංවර්ධන ව්යාපෘති සඳහා වසර 10ක් දක්වා පවතින බදු සහන සහිත නව රාමුවක් ජනාධිපති අනුර කුමාර දිසානායක මහතා අනුමත කැර ඇත.
මුදල්, ආර්ථික ස්ථායිකරණ සහ ජාතික ප්රතිපත්ති ඇමැතිවරයා ලෙස, දේශීය ආර්ථිකයට ඩොලර් මිලියන 50 සිට ඩොලර් මිලියන 300 දක්වා කැප කරන ආයෝජකයින්ට ආයතනික ආදායම් බදු නිදහස් කිරීම් ලබා දෙන නියෝගයක් ජනාධිපතිවරයා විසින් නිකුත් කරන ලදී.
මුදල් අමාත්යාංශයට අනුව, දිරි දීමනා පැකේජය රැකියා නිර්මාණයට දැඩි ලෙස බැඳී ඇති අතර, සුදුසුකම් ලත් ව්යාපෘති සඳහා අවම වශයෙන් දේශීය රැකියා අවස්ථා 50ක් ජනනය කිරීම අවශ්ය වේ.
ආයතනික බදු නිවාඩු කාලය ආයෝජනයේ ස්වභාවය සහ ප්රමාණය අනුව පරිමාණය කෙරෙන අතර, සුදුසුකම් ලත් ව්යාපෘති සඳහා වසර පහේ සිට 10 දක්වා කාලයක් සඳහා නිදහස් කිරීම් ලැබේ.
විදේශීය සෘජු ආයෝජන ආකර්ෂණය කැර ගැනීමෙන් සහ දේශීය කාර්මික ධාරිතාවය ප්රවර්ධනය කිරීමෙන් ජාතික ආර්ථිකය ස්ථාවර කිරීම සඳහා රජයේ උපාය මාර්ගයේ තීරණාත්මක අංගයක් ලෙස මෙම පියවර සැලකේ.
ව්යාපෘති ක්රියාත්මක කිරීම සඳහා අත්යවශ්ය ප්රාග්ධන භාණ්ඩ සහ ඉදිකිරීම් ද්රව්ය ආනයනය කිරීම සඳහා ආණ්ඩුව සැලකිය යුතු සහන ලබා දෙනු ඇත.
මෙම නිදහස් කිරීම් මඟින් මූලික සංවර්ධන අදියරවලදී බර යටිතල පහසුකම් සහ නිෂ්පාදන සැකසුම් හා සම්බන්ධ ඉහළ ප්රවේශ පිරිවැය අඩු කිරීමට අදහස් කෙරේ.
සංචාරක, නිෂ්පාදන සහ කෘෂිකාර්මික අංශ ඉලක්ක කැර ගනිමින්, සාම්ප්රදායික කර්මාන්ත නවීකරණය කරන අතරම, රටේ ප්රාථමික විදේශ විනිමය උපයන්නන් ශක්තිමත් කිරීමට ආණ්ඩුව උත්සාහ කරයි.
ඉහළ වටිනාකමක් ඇති උපායමාර්ගික ව්යාපෘති සඳහා දකුණු ආසියානු කලාපයේ තරඟකාරී ගමනාන්තයක් ලෙස ශ්රී ලංකාව ස්ථානගත කිරීම සඳහා මෙම පියවර සැලසුම් කැර ඇති බව මුදල් අමාත්යාංශය සඳහන් කෙළේය.
මෙම දිරිගැන්වීම් අදියර වශයෙන් ක්රියාත්මක කිරීම මඟින් ආයෝජන මණ්ඩලය විසින් දැනට සමාලෝචනය කරනු ලබන සංවර්ධන ව්යාපෘතිවල නල මාර්ගය කෙරෙහි ක්ෂණික උනන්දුව උත්තේජනය කරනු ඇතැයි නිලධාරීන් අපේක්ෂා කරයි.
