ඡායාරූපය- BBC
ඊශ්රායලය විසින් විනාශ කැර දැමු ගාසාව සුඛෝපභෝගී නිවාඩු නිකේතන සහිත ‘ ස්මාර්ට් නගරයක් ’ බවට පත් කිරීම සඳහා අමෙරිකානු ජනාධිපති ඩොනල්ඩ් ට්රම්ප්ගේ බෑණනුවන් වන ජරේඩ් කුෂ්නර් සහ මැදපෙරදිග විශේෂ නියෝජිත ස්ටිව් විට්කොෆ් ඩොලර් බිලියන 112ක ව්යාපෘතියක් සැලසුම් කැර ඇතැයි අමෙරිකාවේ වෝල් ස්ට්රීට් ජර්නල් පුවත් සේවය සඳහාන් කෙළේය.
අධිතාක්ෂණයෙන් යුතු නගරයක් ලෙස ගාසා තීරය සංවර්ධන කිරීමේදී අමෙරිකාව වැඩි කාර්යභාරයක් සිදු කිරීමට නියමිත බවත්, එම ආයෝජනයෙන් 20%ක මුදලක් අමෙරිකාව වැය කරනු ඇති බව වෝල් ස්ට්රීට් ජර්නල් පුවත් සේවය වැඩිදුරටත් සඳහාන් කරයි.
‘සන්රයිස් ව්යාපෘතිය’ ලෙස නම් කැර ඇති ගාසා ස්මාර්ට් නගර සැලසුම වසර 10ක ව්යාපෘතියක් වන අතර, ඒ සඳහා ආයෝජකයන් ආකර්ෂණය කැර ගැනීම සඳහා රටවල් 32කට යොමු කර ඇතැයි ද වාර්තා වේ. සුඛෝපභෝගී හෝටල්, අධිවේගී දුම්රිය සහ කෘත්රිම බුද්ධිය ඇසුරින් නිර්මාණය කළ නව තාක්ෂණික සන්නිවේදන පද්ධති ඇතුළත් මේ ව්යාපෘතිය මඟින් ගාසා තීරය මධ්යධරණි වෙරළ තීරයේ වඩාත්ම කාර්යබහුල අගනගරයක් බවට පත් වනු ඇතැයි ද අමෙරිකාවේ විශ්වාසය වී තිබේ.
ඡායාරූපය- රොයිටර්
ඉදිරියේදී ගාසා තීරයේ සිදු විය යුතු වන්නේ ප්රතිසංස්කරණය පමණක් නොවන බවත්, එය අති නවීන යටිතල පහසුකම්, නාගරික සැලසුම් සහ තාක්ෂණය සමඟ මැදපෙරදිග සමෘද්ධියේ දොරටුවක් ලෙස සංවර්ධනය කිරීමට මේ ව්යාපෘතිය ඉවහල් වනු ඇති බවත් එම ආයෝජන ව්යාපෘතියේ ප්රචාරක පටයේ සටහන් වී ඇතැයි වෝල් ස්ට්රීට් ජර්නල් පුවත් සේවය සඳහන් කරයි.
කුෂ්නර් සහ විට්කොෆ් එක්ව දින 45ක් පුරා සැලසුම් කරනු ලැබූ එම ව්යාපෘතිය සඳහා ඊශ්රායල ආරක්ෂක විශේෂඥවරුන්ගෙන් උපදෙස් ලබා ඇති අතර, ව්යාපෘතිය සඳහා අරමුදල් ගොඩනැඟීමේදී පදනම් කැරගන්නා රටවල් හෝ සමාගම් කවරේ දැයි මෙතෙක් අනාවරණය වී නැති බව සඳහාන්ය.
මේ දැවැන්ත සංවර්ධන ක්රියාවලියේදී ගාසා තීරයේ අවතැන් වූ මිලියන 2ක පලස්තීනුවන්ට නිවාස ලබා දීම සඳහා අවශ්ය තොරතුරු එහි සඳහන් නොවන අතර, ඊශ්රායල ගුවන් ප්රහාරවලින් වසර දෙකක කාලයක් විනාශ වූ ගාසා තීරයේ මේ වනවිට ගොඩ ගැසී ඇති ටොන් මිලියන 68ක සුන්බුන් ඉවත් කිරීම පමණක් ඇස්තමේන්තු කර ඇති බව සඳහාන්ය.
කෙසේ වුවත් හමාස් සංවිධානය නිරායුධ කිරීමේ කොන්දේසියක් සාම සැලසුමට ඇතුළත් කැර ඇති බැවින් ගාසා සංවර්ධන සැලසුම සාර්ථක වීම සැක සහිත බව අමෙරිකානු යුද විශේෂඥයන් ප්රකාශ කැර ඇතැයි ද සඳහාන් වේ.
(Source- Dinamina)
