ඉරානය සමඟ පවතින යුදමය වාතාවරණය නිමා කිරීම සඳහා වන තීරණාත්මක සාකච්ඡාවල නායකත්වය උප ජනාධිපති ජේ.ඩී. වෑන්ස් සහ රාජ්ය ලේකම් මාර්කෝ රුබියෝ ඇතුළු කණ්ඩායමක් වෙත පවරා ඇතැයි අමෙරිකානු ජනාධිපති ඩොනල්ඩ් ට්රම්ප් ප්රකාශ කරයි.
දෙපාර්ශ්වය අතර ස්ථාවර එකඟතාවයකට පැමිණීමේ ඉහළ බලාපොරොත්තුවක් පවතින බවත්, ඉරාන පාර්ශ්වය ද ගිවිසුමකට එළැඹීමට කැමැත්තෙන් පසුවන බවත් ට්රම්ප් ජනාධිපතිවරයා උපුටා දක්වමින් CNN ප්රවෘත්ති සේවය සදහන් කැර ඇත.
ඉරානයේ නාවික හා ගුවන් හමුදා මෙන්ම සන්නිවේදන පද්ධති දරුණු ලෙස අඩපණ වී ඇති පසුබිමක ඔවුන් වඩාත් බුද්ධිමත් ලෙස සාකච්ඡාවලට ප්රවේශ වී ඇති බව ජනාධිපතිවරයාගේ අදහසයි.
මෙම සාකච්ඡාවල මූලිකම සහ ප්රධානතම පදනම වන්නේ ඉරානය සතුව කිසිදු ආකාරයක න්යෂ්ටික අවියක් නොතිබිය යුතුය යන්න බව ජනාධිපති ට්රම්ප් යළිත් සහතික කැර සිටියි. මීට පෙර සටන් විරාමයක් අවශ්ය නොවන බව පැවසූ ජනාධිපතිවරයා සිය ස්ථාවරය වෙනස් කළේ ඇයි දැයි මාධ්ය විමසූ විට ඔහු පවසා ඇත්තේ, ඉරානය දැන් ඉතා සාධාරණ ලෙස සාකච්ඡා මාර්ගයට අවතීර්ණ වී ඇති බවයි. ඉරානය කිසිදා න්යෂ්ටික අවි ළඟ තබා නොගන්නා බවට දැනටමත් එකඟ වී ඇති බව සඳහන් කළ ජනාධිපතිවරයා, ඉදිරි දින කිහිපය තුළ මෙම සාකච්ඡාවල තීරණාත්මක ප්රගතියක් අපේක්ෂා කළ හැකි බව ද වැඩිදුරටත් සඳහන් කෙළේය.
