අමෙරිකා එක්සත් ජනපද ජාතික ත්රස්ත වැළැක්වීමේ මධ්යස්ථානයේ ප්රධානී ජෝසප් කෙන්ට් සිය තනතුරෙන් ඉල්ලා අස්වී ඇත.
ඔහු අමෙරිකා එක්සත් ජනපද බුද්ධි අධ්යක්ෂ තුල්සි ගැබාර්ඩ්ගේ ඉහළ සහායකයකු බව වාර්තා වේ. ඉරාන යුද්ධයෙන් ඉල්ලා අස්වූ පළමු ජ්යෙෂ්ඨ ට්රම්ප් පරිපාලන නිලධාරියා ජෝ කෙන්ට් බවට පත්වේ.
අමෙරිකා එක්සත් ජනපදයට , ඉරානයෙන් කිසිදු තර්ජනයක් නොමැති තත්ත්වයක් තිබියදීත්, ට්රම්ප් ජනාධිපතිවරයා ඊශ්රායල පීඩනය යටතේ යුද්ධය දියත් කළ බවට චෝදනා කරමින් කෙන්ට් ඉල්ලා අස්විය.
” හෘද සාක්ෂියට එකඟව ඉරානයට එරෙහිව පවතින යුද්ධයට මට සහාය දිය නොහැක.” ඉරානය අපේ ජාතියට සමීප තර්ජනයක් එල්ල කැර නොමැති වුවද, ඊශ්රායලයේ සහ එහි බලවත් අමෙරිකානු කණ්ඩායමේ පීඩනය නිසා අපි මෙම යුද්ධය ආරම්භ කළ බව පැහැදිලිය,” ඔහු පැවසීය.
“මැදපෙරදිග යුද්ධය යනු අපගේ අමෙරිකානු දේශප්රේමීන්ගේ වටිනා ජීවිත කොල්ලකන සහ අපගේ ජාතියේ ධනය හා සමෘද්ධිය විනාශ කරන උගුලකි.” ට්රම්ප් පරිපාලනයේ මුල් අවධියේදී, ඉහළ පෙළේ ඊශ්රායල නිලධාරීන් සහ අමෙරිකානු මාධ්යවල බලගතු සාමාජිකයන් යුද්ධය පිළිබඳ අදහස් පතුරුවා හැර ඉරානය සමඟ යුද්ධයක් දිරිමත් කිරීම සඳහා යුද්ධයට සහාය පතුරුවා හැරියහ. ඒ සඳහා වැරදි තොරතුරු ව්යාපාරයක් දියත් කෙළේය.
ඉරානය, අමෙරිකා එක්සත් ජනපදයට සමීප තර්ජනයක් එල්ල කරන බව විශ්වාස කිරීමට එය අපව පෙළඹවීය. ‘ඔබ දැන් ඉරානයට පහර දුන්නොත්, ඉක්මන් ජයග්රහණයකට පැහැදිලි මාවතක් තිබේ‘ යැයි ඔවුන් පැවසුවා. මෙය බොරුවක්. අපගේ හොඳම පිරිමින් සහ කාන්තාවන් දහස් ගණනක් අපගේ ජාතියට අහිමි කළ විනාශකාරී ඉරාක යුද්ධයට අපව ඇද ගැනීමට ඊශ්රායල ජාතිකයන් භාවිතා කළ උපාය මාර්ගය මෙයයි. “අපට නැවත මෙම වැරැද්ද කළ නොහැක,” ජෝසප් කෙන්ට් පවසයි..
විදේශ මාධ්ය පැවසුවේ ඉල්ලා අස්වීම පිළිබඳව අදහස් දැක්වීම සඳහා ධවල මන්දිරයෙන් සහ ජාතික බුද්ධි අධ්යක්ෂ කාර්යාලයෙන් කරන ලද ඉල්ලීම්වලට ඔවුන් තවමත් ප්රතිචාර දක්වා නොමැති බවයි.
