අමෙරිකාවේ අත්අඩංගුවට පත් වී නිකොලස් මදුරෝගේ පුත්රයා වන වෙනිසියුලාවේ පාර්ලිමේන්තු මන්ත්රී නිකොලස් අර්නස්ටෝ මදුරෝ ගුවේරා ඊයේ (07) එරට පාර්ලිමේන්තුව අමතා විශේෂ ප්රකාශයක් සිදු කළ බව විදෙස් මාධ්ය සඳහාන් කරයි.
නිකොලස් මදුරෝ පැහැරගෙන යෑමෙන් පසු පළමුවරට පාර්ලිමේන්තුව ඇමතූ ඔහු සඳහන් කැර ඇත්තේ අමෙරිකාව සිදුකළ නීති විරෝධී මෙහෙයුම ජාත්යන්තරයට භයානක පූර්වාදර්ශයක් සපයා දෙන බවයි.
රාජ්ය නායකයකු පැහැර ගැනීම සාමාන්ය සිදුවීමක් ලෙස සැලකීමෙන් කිසිදු රාජ්යයක් ආරක්ෂිත නොවන බව ප්රකාශ කැර ඇති මදුරෝගේ පුත්රයා, අද වෙනිසියුලාවට අත් වූ ඉරණම හෙට තවත් රටක සිදුවිය හැකි බවට ද අනතුරු අඟවා තිබේ.
සිය මවුපියන් වහාම නිදහස් කරන ලෙස ඔහු අමෙරිකාවෙන් ඉල්ලීමක් කර ඇති අතර, අධිකරණයේ ගොනු කළ අධිචෝදනා පත්රයට ඔහුගේ නම ඇතුළත් කිරීම හෙළා දකින බව ද ප්රකාශ කැර තිබේ. ඔබ නැවත පැමිණෙන තුරු අපගේ රාජකාරිය ඉටු කරන බව කියමින් ඔහු සිය කතාව අවසානයේදී පියාට පණිවුඩයක් ද නිකුත් කළ බව සඳහාන් වෙයි.( දිනමිණ ඇසුරෙන් )
