අමෙරිකාව සහ වෙනිසියුලාව රාජ්ය තාන්ත්රික සබඳතා නැවත ස්ථාපිත කිරීමට එකඟ වී ඇති බව අනාවරණය වෙයි.
ස්ථාවරත්වය ප්රවර්ධනය කිරීම, ආර්ථික ප්රකෘතියට සහාය වීම සහ දේශපාලන සංහිඳියාව ඉදිරියට ගෙන යෑම සඳහා දෙපාර්ශ්වය ඒකාබද්ධ උත්සාහයන් දරන බව එහිදී නිවේදනයක් නිකුත් කරමින් සදහන් කැර තිබේ .
ජනවාරි මාසයේදී අමෙරිකානු හමුදාව හදිසි වැටලීමකින් වෙනිසියුලානු ජනාධිපති නිකොලස් මධුරෝ අල්ලා ගත් දා සිට ඔවුන්ගේ රාජ්ය තාන්ත්රික සබඳතා වැඩි දියුණු වෙමින් පැවතුනද, විධිමත් ද්විපාර්ශ්වික සබඳතා ප්රකාශයට පත් කිරීම අතිශයින්ම සංකේතාත්මක පියවරක් සනිටුහන් කැර ඇත .
ජනාධිපති ඩොනල්ඩ් ට්රම්ප් මධුරෝ සහ ඔහුගේ බිරිය අත්අඩංගුවට ගැනීමට හමුදාවන්ට නියෝග කළ අතර, ඔවුන් අවි සහ මත්ද්රව්ය වැරදිවලට මුහුණ දීම සඳහා මෑන්හැටන් අධිකරණයකට ගෙන එන ලද අතර, එය ඔවුන් ප්රතික්ෂේප කැර තිබේ .
2019 දී වසා දැමූ කැරකස් හි අමෙරිකා එක්සත් ජනපද තානාපති කාර්යාලය නැවත විවෘත කැර ඇති අතර, වොෂින්ටනය වෙනිසියුලාව සඳහා නව රාජ්ය තාන්ත්රිකයෙකු පත් කැර ඇත.
එහිදී ඒ සම්බන්ධයෙන් වෙනිසියුලානු රජය ඊයේ පැවසුවේ “අන්යෝන්ය ගෞරවය මත පදනම් වූ ඵලදායී සංවාදයේ නව අදියරක් ” ඉදිරියට ගෙන යෑමට කැමැත්තෙන් සිටින බවයි.
මේ මාසයේ අමෙරිකා එක්සත් ජනපදයේ දී, නඩු විභාගයට පෙනී සිටීමට නියමිත මධුරෝ සහ ඔහුගේ රජයේ අනෙකුත් සාමාජිකයන් නීති විරෝධී පතල් කැණීම් සහ මත්ද්රව්ය ජාවාරම වැනි ක්රියාකාරකම්වලට සම්බන්ධ අපරාධ සංවිධානයකට නායකත්වය දෙන බවට එක්සත් ජනපදය චෝදනා කැර ඇති බව සඳහාන්ය.
එක්සත් ජනපද රාජ්ය දෙපාර්තමේන්තුව පැවසුවේ “ප්රජාතන්ත්රවාදීව තේරී පත් වූ රජයකට සාමකාමී සංක්රාන්තියක් සඳහා කොන්දේසි නිර්මාණය කරන අදියර ක්රියාවලියක් ” හරහා වෙනිසියුලානු ජනතාවට ඉදිරියට යෑමට උපකාර කිරීම කෙරෙහි තම මැදිහත්වීම අවධානය යොමු කැර ඇති බවයි.
ජනාධිපති ට්රම්ප්ගේ ජාතික බලශක්ති ආධිපත්ය කවුන්සිලයට නායකත්වය දෙන බර්ගම් පසුගිය දා කියා සිටියේ මෙම මැදිහත්වීම “ඇමරිකාවට තෙල් ගලා යෑම” සහතික කිරීමට උපකාරී වනු ඇති බවයි.
එක්සත් ජනපද මිලිටරිය වෙනිසියුලාවට පහර දී මදුරෝ අල්ලා ගැනීමෙන් පසු , අමෙරිකා එක්සත් ජනපදය, වෙනිසියුලාව සමඟ නව තෙල් ගිවිසුම් ඇති කැර ගෙන තිබෙන බව සදහන් වේ.
