අමෙරිකානු සහ ඉරාන නියෝජිතයන් අතර පැවැති සාකච්ඡාවකින් පසු යුද මෙහෙයුම් දින 5කට අත්හිට වූ බවට අමෙරිකානු ජනාධිපති ඩොනල්ඩ් ට්රම්ප් කරන ප්රකාශය පදනම් විරහිත බව ඉරාන පාර්ලිමේන්තුවේ කථානායක මොහොමඩ් බගාර් ප්රකාශ කරයි.
අමෙරිකා – ඊශ්රායල දෙපාර්ශ්වය සමඟ 25 වැනි දිනයටත් යුද ගැටුම් සිදු වූ බව ඉරාන කථානායක මොහොමඩ් බගාර් ප්රකාශ කළ බව විදෙස් මාධ්ය සඳහාන් කරයි.
හෝමූස් සමුද්ර සන්ධිය පැය 48ක් ඇතුළත විවෘත නොකරන්නේ නම් ඉරානයේ සියලු බලාගාර විනාශ කරන බවට අනතුරු ඇඟවූ අමෙරිකානු ජනාධිපතිවරයා පෙරේදා (23) පස්වරුවේ ටෘත් සමාජ මාධ්ය ජාලයේ සටහනක් තබමින් යුද ගැටුම් අත්හිටවූ බවට නිවේදනය කැර ඇත.
දෙපාර්ශ්වය අතර කිසිදු සාකච්ඡාවක් නොපැවැත්වූ බව ඉරානය කියයි. පෙරේදා (23) රාත්රියේ ඉරාන විප්ලවීය හමුදාව ඊශ්රායලය, බහරේන්, සවුදි අරාබිය සහ කුවේට් රාජ්යය ඉලක්ක කරමින් මිසයිල ප්රහාර එල්ල කැර ඇති බව විදෙස් මාධ්ය වැඩිදුරටත් සඳහාන් කරයි. ඊට ප්රතිචාර ලෙස ඊයේ(24) අලුයම ඊශ්රායල හමුදාව ටෙහෙරාන් අගනුවරට දැවැන්ත ප්රහාරයක් එල්ල කැර ඇති අතර, තවදුරටත් එරට යටිතල පහසුකම් ඉලක්ක කරගන්නා බව නිවේදනය කැර තිබේ.
ඉරාන නිලධාරීන් අමෙරිකාව සමඟ කිසිදු සම්බන්ධතාවක් පවත්වා නොමැති බව නිවේදනය කැර තිබේ.ඉරානය, ට්රම්ප්ගේ නිවේදනය ප්රතික්ෂේප කිරීමෙන් පසු ප්රකාශයක් නිකුත් කරමින් ධවල මන්දිරය සඳහන් කර ඇත්තේ ඉරානයට තවදුරටත් සාකච්ඡා මේසය විවෘතව ඇති බවයි. අමෙරිකානු ජනාධීපතිවරයා යුද මෙහෙයුම් යළි ආරම්භ කිරිමට පෙර ඉරානයට තවත් අවස්ථාවක් ලබාදී ඇතැයි ද ධවල මන්දිරය වැඩිදුරටත් සඳහන් කැර ඇතැයි සඳහින් වේ. මේ අතර ඉරාන විදේශ අමාත්යාංශයේ නිලධාරියකු බීබීසී පුවත් සේවයට සඳහන් කැර ඇත්තේ අමෙරිකාව මැදිහත්කරුවන් හරහා ඉරානයට සාම සාකච්ඡා සඳහා කරුණු ඉදිරිපත් කැර ඇති බවය.
