අන්ත­ර්ජාලය මඟින් මුදල් උපයා ගත­හැකි බව පවසා කාන්තා­වක් රවටා මුදල් වංචා කිරී­ම­කට අදාළ සැක­ක­රු­වන් දෙදෙ­නකු පෙරේදා (10) පරි­ග­ණක අප­රාධ විම­ර්ශන ඒක­ක­කයේ වයඹ පළාත් ඒක­කයේ නිල­ධා­රීන් පිරි­සක් විසින් අත්අ­ඩං­ගු­වට ගෙන තිබේ.

අන්ත­ර්ජාල ව්‍යාපා­ර­යක් මඟින් මුදල් උපයා ගත­හැකි බව පවසා කාන්තා­වක් රවටා මුදල් වංචා කිරී­මක් සම්බ­න්ධ­යෙන් ලද පැමි­ණි­ල්ලක් මත අප­රාධ පරී­ක්ෂණ දෙපා­ර්ත­මේ­න්තුවේ පරි­ග­ණක අප­රාධ විම­ර්ශන වයඹ පළාත් ඒක­කය මඟින් විම­ර්ශ­න­යක් ආරම්භ කැර තිබිණි.

අන්ත­ර්ජාල ව්‍යාපා­ර­යක් මඟින් මුදල් උප­යා­ගත හැකි බව පවසා පැමි­ණි­ලි­කා­රිය රවටා වංචා කරන ලද මුදල් රුපි­යල් 6,105,600/=ක මුද­ලින් සැක­ක­රුගේ නමින් ඇති ගිණු­ම­කට රුපි­යල් 1,500,000/=ක මුද­ලක් වංච­නි­කව බැර කර එකී ගිණුම නොදන්නා පාර්ශ්ව­යක් වෙත මුද­ලට අලෙවි කැර වංචා­වක් සිදු කර ඇති බවට විම­ර්ශ­න­යේදී අනා­ව­ර­ණය වී ඇති බව පොලී­සිය පව­සයි.

ඒ අනුව පෙරේදා (10) අප­රාධ පරී­ක්ෂණ දෙපා­ර්ත­මේ­න්තුවේ පරි­ග­ණක අප­රාධ විම­ර්ශන වයඹ පළාත් ඒක­කය මඟින් මෙම මුදල් වංචාව සම්බ­න්ධ­යෙන් වයස අවු­රුදු 30ක් වන කොළඹ 02 ප්‍රදේ­ශයේ පදිංචි සැක­ක­රු­වකු හා වයස අවු­රුදු 38ක් වන කුලි­යා­පි­ටිය ප්‍රදේ­ශයේ පදිංචි සැක­ක­රු­වකු අත්අ­ඩං­ගු­වට ගෙන  ඇති බව අනාවරණය වෙයි.

සිද්ධිය සම්බ­න්ධ­යෙන් අප­රාධ පරී­ක්ෂණ දෙපා­ර්ත­මේ­න්තුවේ පරි­ග­ණක අප­රාධ විම­ර්ශන වයඹ පළාත් ඒක­කය  වැඩි­දුර විම­ර්ශන සිදු කරනු ලබයි.

(රක්ෂණ ශ්‍රියන්ත, දිනමිණට ලියන ලද  ප්‍රවෘතියක්  ඇසුරෙන්)