ඉන්දුනීසියාව, පිලිපීනය සහ මැලේසියාව කේන්ද්ර කරමින් අයිඑස් ත්රස්ත සංවිධානය සහ එහි අනුබද්ධිත ත්රස්ත සංවිධාන වර්ධනය වෙමින් පවතින බව අනාවරණය වී තිබේ.
අග්නිදිග ආසියාතික බුද්ධි විමර්ශනවලින් තොරතුරු හෙළි වී ඇති අතර, අන්තර්ජාලය ඔස්සේ සිදු කරන ක්රියාකාරකම් ද ඉහළ ගොස් විදෙස් මාධ්ය සඳහාන් කරයි.
එම බුද්ධි තොරතුරුවලට අනුව , අයිඑස් ත්රස්ත සංවිධාන අන්තර්ජාලය භාවිත කරමින් සිය ක්රියාකාරකම් ඉහළ නැංවීමෙන් සමාජ මාධ්ය භාවිතය ද අවදානම් තත්ත්වයකට පත්වී තිබේ
පසුගිය දෙසැම්බරයේ ඔස්ට්රේලියාවේ සිඩ්නි නුවර බොන්ඩායි මුහුදු වෙරළේ යුදෙව් ජාතික ආගමික උත්සවයක් කේන්ද්ර කරමින් සිදු වූ ත්රස්ත ප්රහාරයට සම්බන්ධ වූවන් එම ප්රහාරයට පෙර පිලිපීනයේ මින්ඩනාඕ දූපතේ සංචාරය කළ බවට තොරතුරු වාර්තා වීමෙන් පසු අයිඑස් ත්රස්ත ක්රියාකාරකම් පිලිපීනයට ද ව්යාප්ත වූ බව අනාවරණය වී තිබේ. එහෙත් බොන්ඩායි මුහුදු වෙරළේ වෙඩි ප්රහාරය සිදු කළ පිය පුතු දෙදෙනා මින්ඩනාඕ දූපතේදී පුහුණුව ලැබූ බවට විමර්ශකයන් සිදු කළ ප්රකාශය පිලිපීන බලධාරීන් ප්රතික්ෂේප කළ බව ද විදෙස් මාධ්ය සඳහාන් කරයි. එම ත්රස්ත ව්යාපාරය ඇෆ්ගනිස්තානයේ සහ පාකිස්තානයේ මෙන්ම මධ්යම ආසියාතික කලාපයේ ක්රියාත්මක වන අයිඑස් අනුබද්ධිත සංවිධානයක් බව ද හෙළි වී තිබේ.
